воскресенье, 28 февраля 2016 г.

Հանդիպում Վրաստանի դեսպանի հետ



«Մխիթար Սեբաստացի» կրթահամալիր էր այցելել կրթահամալիրի և վրացախոսների բարեկամ, Հայաստանում Վրաստանի արտակարգ և լիազոր դեսպան պարոն Թենգիզ Շարմանաշվիլին:
Նա եկել էր իր տիկնոջ և դեսպանատան աշխատակիցների հետ միասին: Դեսպանի իր հինգ տարվա գործունեության ընթացքում պարոն Թենգիզ Շարմանաշվիլին սերտորեն համագործակցել է կրթահամալիրի հետ, մասնակցել տարբեր միջոցառումների: Հիշում եմ նույնիսկ, որ ինքս էլ դեսպանի ուշադրությանն եմ արժանացել՝ երկու տարի առաջ ինձ գիրք նվիրեցին, որպես վրացախոս։
Դեսպանատան աշխատակիցների հետ մասնակցեցինք հինգ տարեկանների նախագծին՝ փետրվարիկին: Շրջեցինք կրթահամալիրով, չնայած դեսպանը շատ անգամ է եղել այստեղ, բայց նկատեց կրթահամալիրում տեղի ունեցած դրական փոփոխությունները: Նա ափսոսում էր, որ մեզ հետ ավելի շատ ժամանակ չի անցկացրել դեսպանության օրերին, չի հասցրել հայերեն սովորի։ Բայց մենք վրացախոսներով այդ պահին մտածեցինք մի նոր նախագծի մասին՝ նորանշանակ դեսպանին հայերեն կսովորեցնենք։ Այցի վերջում դեսպանատան աշխատակիցների համար պատրաստել էինք անակնկալ՝ կրթահամալիրի հեծանվային ակումբը՝ հայ- վրացական դրոշներով հեծանվաշքերթով ուղեկցեց դեսպանական պատվիրակությանը:
Շատ կարևոր էր դեսպանի այցելությունը կրթահամալիր, դա խոսում է այն մասին, որ նա կարևորել է կրթահամալիրի ունեցած ներդրումը հայ-վրացական կրթական հարաբերություններում։
Սոնա Մայիլյան

Комментариев нет:

Отправить комментарий